Salam. Mənim 23 yaşım var. Kəskin ağrılarım olur. Gün ərzində azı bir dəfə baş verir və yarım saata yaxın davam edir. Ağrı haqqında daha ətraflı məlumat verim, əzələ ağrısı deyil, daha çox daxili orqan ağrısına bənzəyir. Böyrək ağrısı olduğundan şübhə edirəm amma əsasən ağrı sol qabırğamın altından qarın boşluğuna yayılmış kimi hiss olunur. Bel tərəfdə ağrı hiss etmirəm. Ağrı daha çox sol tərəfdə olur, bəzən həmin ağrı ilə birlikdə sol çiynimdən başlayaraq qarın boşluğuna qədər bütün sol tərəfimdə sinir ağrısı da başlayır. Döş qəfəsinin düz altında, mərkəzdəki boşluğu sıxanda ağrını hiss edirəm. Uturma, uzanma vəziyyətindən asılı olaraq ağrının şiddəti dəyişə bilir. Buna görə də şübhə edirəm ki, hansısa orqanda şişmə və ya dartılma var. Yeriyəndə daha çox artır, uzananda, dincələndə azalır. Bəzən nəfəs almaqda çətinlik yaradır. Bu simptomlardan əlavə onu da qeyd edim ki, ağrıların başladığı dövrlə eyni müddətdə ağzımda hər səhər yuxudan duranda metallik bir dad və qoxu da yaranmağa başlayıb.
Həyat tərzim haqqında:
•İçki içmirəm
•Günə bir paket siqaret çəkirəm.
•Gündə 3 dəfə normal qidalanıram.
•İş şəraitim normaldır.
Ümid edirəm ki, bu yazdıqlarım problemin mənbəyini tapmaq üçün kifayət edər. Təşəkkür edirəm.